Rreth meje

Unë kam lindur në vitin 1980 në Gjermani. Prindërit e mi kanë ardhur nga Klina (Kosovë) për të jetuar në Gjermani në vitin 1970. Në qytetin Würzburg mbarova shkollimin fillestar në vitin 1995. Për faktin që jam rritur dhe edukuar me dy gjuhë, flas shqipen dhe gjermanishten si gjuhë amtare. Nga viti 1995 deri 1997 kam qenë nxënës në shkollën Petro-Nini-Luarasi në Tiranë (Shqipëri).
Si qëndrime të tjera jashtë Gjermanisë mund të përmend ndjekjen e shkollës së mesme "Sami Frashëri", si edhe studimet për katër semestra në degën sociologji dhe filozofi pranë Universitetit të Prishtinës nga viti 1999 deri 2002. Pas kthimit në Gjermani vazhdova studimet për pesë semestra pranë universitetit Julius-Maximilian në Würzburg në degën shkenca politike dhe degë dytësore anglisht dhe etnologji.

Në të gjitha periudhat kam kryer përkthime të ndryshme me shkrim, si dhe kam përkthyer gojarisht nëpër gjykata, polici dhe ente të tjera administrative. Te klientët e mi bëjnë pjesë firma dhe individë. Në vitin 2006 u zhvendosa për në Mynih, ku vazhdoj të punoj me kohë të pjesshme si përkthyes.

Përparësitë e mia janë kompetenca e lartë në fushën e dialekteve të gjuhës shqipe. Kam përvojë në fushat nga më të ndryshme të këtij profesioni.
Mos hezitoni të më kontaktoni.

Me nderime.
Arben Coli